Критериуми за изведување на оценка- потсетување

Колеги Студенти,

Ви го постирам наново, посебно  за новите годинашни колеги, правилникот кој важи на ниво на Универзитет, за сите предмети, и според кој Ви се сведувани оценки.

Поради одреден  број на Ваши  прашања   со лајт мотив - Полагање и преполагање на испит и колоквиум по Вовед во програмирање 1, од колеги од групата Битола,  Ви одговарам генерално.

* * *

Правилата се идентични и (ќе) важат и за другите предмети, значи и за ООП и за ВоП2, па сочувајте ги. Овие правила се нови и стартуваат  од оваа година. Овие правила покрај за новите студенти, важат и за студентите кои го презапишале предметот.

Според новите правила, применети на ВоП1 во случајов,  оцената ја сочинуваат:

- Поени од редовност ( мах. 10  збирно од вежби и предавања, според евиденција од посетеноста).

- Поени од Семинарска работа ( мах. 5 за превод или мах. 10 за задача).

- Збирни поени од двата колоквиуми, минимум 41, просек од двата колоквиуми.

* * *

-Првиот колоквиум е елиминаторен. Оние кои не освоија минимум 41 поен, од 80, немаат право да полагаат II  колоквиум.

- Оние кои го положија I колоквиум, а имаат помалку од 41 поен на II колоквиум,  или биле спречени да дојдат на II колоквиум  oд било кои причини,  имаат можност и право да дојдат  на испит и да нагласат дека ќе полагаат само материјал од II  колоквиум.

- Оние кои ги положиле двата колоквиуми, а сакаат повеќе поени од овој дел имаат право да го преполагаат само II  колоквиум, или ако сакаат да преполагаат цел испит. Следствено на изборот резултатот ќе им биде соосдветно собиран.

- Притоа, за сите колеги-студенти, генерално,  еднаш освоените поени по било кој основ ( I  колоквиум, Семинарска, или Редовност ) важат сите сесии до евентуално презапишување на предметот. ( почеток на наредна година и семестар во кој предемтот е слушан).

* * *

- Испитот се смета за положен ако се освоени мин. 51 поени по сите основи, со тоа што ако II колоквиум е под 41, поен, без оглед на тоа дали вкупната сума на поени го преминува овој праг, (повеќе од 51 поен) мора да се преполага втор колоквиум ( на списоци, ознаки со *).

 - На Вашите прашања,  во врска со ситуациите, онаму каде нема редовност и семинарски а тој просек е исполнет, (има повеќе од 51 поен),  одговорот е дека следува оценка, бидејќи посетата  на вежбите и предавањата како и семинарските постојат  како  доброволна и изборна форма на проверка на знаење но не се задолжителни.  и  некаде каде има потреба го дополнуваат потребниот просек поени до потребната оцена.

- За предмет чие следење било во минат семестар, во случајов ВоП1 и ООП, после завршетокот на семестарот, студнетите немаат право дополнително да бараат да работат семинарски за подобрување на оцените во некои од следните испитни сесии. Меѓутоа, еднаш освоените поени од семинарски и редовност си важат цела година ( до презапишување).

- Списоците по основите  редовност, семинарски, I колоквиум, се ажурираат заклучно со завршувањето на семестарот, и понатаму се надополнуваат или изменуваат само со резултатите од полагањата во испитните сесии.

* * *

Колегите-Студенти и од Битола и од Прилеп, ќе бидат дополнително информирани кога ќе се запишуваат оцените. Ќе следи соопштение, овде, на Yahoo  групите, на сајтот од факултетот и соодветно на огласните табли на факулет во Битола и Прилеп.

Постот има за цел глобално и генерално да Ве информира.

Доколку после проследување на сите информации, имате дополнително прашање со некои Ваши специфики надвор од овие, обратете се на маил.